أدوكُو

أك ئقين يان أيادوكو نس

أوكان إضفرك أياضار نسن

ئناغ ئنسا ؤر راݣيس ئكل

ئنا غ ئكلا ؤر راݣيس ئنس

ئناغ ئرمي وافود إسنفو

ئغ ئسونفا يافوض ئسييح

لغرض ئݣمرن ختيد ؤر ئسن

أداس ئزوارن غ ئغاراسن

ؤر ئسين ماني تيد ئرورن

ؤلا مايرا أيستند ئكمل

ئݣا كا بدا غمكاد ن وايلال

أفلا ئييݣنوان أد ميارن

ؤر أتيزوا جو تمدورامت

ؤلا يوضر ؤنفراد نونت

اغار أكن اياجيݣ أسينت

سيغ أنيت تسيگيل أد أيلنت

مقار ؤر مون نت نݣارانت

أتاسللت أكولو غاولنت

أمالو ئغ إضر ف ئجاريفن

أمكسا سروحن كند اتاتن

أمدياز كا ٱ ؤرتاد ئروحن

نتا أمي بضانت غ ئغاريون

أمود ن تگوري كا أد ؤر ئرخان

ؤر رات ئكس امر واد ئحرشن

ؤر نساقسا يان اداخ ئمل

ئس ار أك نادر تيدا نورم

دا ݣمرخ تاݣوري غ ئسافن

نستاراد سرسنت ئجاريفن

مديخ أس تازوضي ݣاميخ تنت

ئلا كيغ تنت أك نغي ترول .

عبدالرحمان وادالرحمة

طاطا  21/02/2025