أرّاتْن

ربي تحنو  ات أيضوضان غ لقلم.

تنا ؤكين اتنت ؤر يارا ئكللين.

ارايت ئسن غ لخير ماد ئتغامان

اسرسن ؤر تارام توكا ئزوورن .

ئشيض نيت لقلم ئغ يورا بلا ران.

مقارت ؤكان ئغي ؤفوس ئضعو اس.

ئزوزض اياضو س ؤصغار ؤوغانيم.

ؤلا ؤران ئي يان لحروز ات ضرون.

متا ؤفان لعار اتن ؤر ئتزميم.

ؤلا ؤران ئكركيسن لباضل ئحرم.

ؤسين واراتن غ لحروف ؤرد ئميك.

ئقاند اتنت ئفرن يان ئكمي تنت.

تيرا ن لقلم ؤرا بدا تيغزانت.

كيكان د ئباضان أ ؤكان نسبرام.

غاد ئزرين ئفلد ئي ؤزمز اد غ ليخ.

كيكان د ؤزازو تيغرار ايك لحال.

مامنك رانسمود ئي ؤرام ئغد ئقان.

اياقلاي إتيزي ئكوتن جروف نس.

ؤلا أفكان ن غاسا زضان ؤرد ئميك.

مشان كان ئفوكا اخلال أر برين.

لسينتن ميدن نان ؤر ئجري يات.

وار ئلباض نتا نيت هان ؤر هنان.

اتنت نارا س لقلم غ لكاغد ؤكان.

ئي يان راد ئلال أيغر تيبراتين.

عبدالرحمان وادالرحمة 

21/12/2025