ؤدم ن تارير….
مشغل الصوت
ماد اك ئكا نسوا كرزخ أيكَران
ماد اك ئكَا سوتلخ أون ئفركان
ئغ ؤكان ؤر ئللي لوقر ؤرد يات
لحيز ئلا بدا ماتن ئرزان.
أج ؤكان تين تسردونت ؤومغار
رزمناس غ ئسكراف أر كا تجفال
ؤر ؤجينت آ ؤرتي كَيك تازكَزوت
ترزا كولو تاياوين ئي ؤصغار.
ؤر أس ئنجم حتا وييدا ن _ لحباس
ؤلا وي ؤكرام ؤلا وين زاويت
ئنفلاس كولوتن سن ما يجران
ماش أزاين ؤر أتن ياكا ؤمغار
آ يالاه ترزا تاكورت ئي ؤكرور.
تيدا فاغنين مدورانت ؤرد مونت
كولوياخ دا ناكا توكَا ن زور
ار نزيغزين ئكركاس د ئباضان
ئغ نان تارير ئفولكي ؤدم نس
ار نتيني ؤلاه ار كيس زين
أوال أقبور نسن نيت ماد نان
ئغ آ صاضن مدن صاض أكرا د غ كيين
نرا صابت اتنت مكرخ نوجاداس
كَار أمود كَار أووللو د كَار دمنت
ئني أت كا داخ ئزيل ؤسكَاس
ئما كَا إيواليون غمكدا تكَان…
عبدالرحمان وادالرحمة
طاطا ٢٦/٠١/٢٠٢٥
تحياتي سي عبدالرحمن ، أحسنت.