ئغ نشِييّْع

لَا لَايْ لَا لَا دَا لَايْ لَا لَا لَا لَا لَا لَا لَايْلْ

ⵍⴰ ⵍⴰⵢ ⵍⴰ ⵍⴰ ⴷⴰ ⵍⴰⵢ ⵍⴰ ⵍⴰ ⵍⴰ ⵍⴰ ⵍⴰ ⵍⴰ ⵍⴰⵢⵍ

لْقّْمْغْ دْ ئِ تْرْݣَا يَا لّْعِينْ أَمِينْ أَ يِّي كَا مِّيمْنْ

ⵍⵇⵇⵎⵖ ⴷ ⵉ ⵜⵔⴳⴰ ⵢⴰⵏ ⵍⵄⵉⵏ ⴰⵎⵉⵏ ⴰⴷ ⵉⵢⵉ ⴽⴰ ⵎⵎⵉⵎⵏ

وَانَّا لْكْمْنْ ئِݣَا وِينّْسْ ؤُرَا تّْنْ قّْنْغْ أَتّْ ؤُرْ ئِقّْنْ

ⵡⴰⵏⵏⴰ ⵍⴽⵎⵏ ⵉⴳⴰ ⵡⵉⵏⵏⵙ ⵓⵔⴰ ⵜⵏ ⵇⵇⵏⵖ ⴰⴷ ⵜ ⵓⵔ ⵉⵇⵇⵏ

تَانَاسْتْ ئِتّْعْبَارْنْ كْتَارْنْتْ أَمَاشّْ ؤُرْ ؤُحِيلْغْ

ⵜⴰⵏⴰⵙⵜ ⵉⵜⵜⵄⴱⴰⵕⵏ ⴽⵜⴰⵔⵏⵜ ⴰⵎⴰⵛ ⵓⵔ ⵓⵃⵉⵍⵖ

نْرَا أَ ئْفِيضْ لْبُورْ نّْكْ لْكْمْ وَّامَانْ ئِمَارِييّْنْ

ⵏⵔⴰ ⴰⴷ ⵉⴼⵉⴹ ⵍⴱⵓⵔ ⵏⵏⴽ ⵍⴽⵎⵏ ⵡⴰⵎⴰⵏ ⵉⵎⴰⵔⵉⵢⵢⵏ

أَزْمْزْ هَانّْ ؤُݣَّارْ نْ مْنَاصَّا صَاحَانْ أَكْ أَوِي تْنْ

ⴰⵣⵎⵣ ⵀⴰⵏⵏ ⵓⴳⴳⴰⵔ ⵏ ⵎⵏⴰⵚⵚⴰ ⵚⴰⵃⴰⵏ ⴰⴽ ⴰⵡⵉ ⵜⵏ

ؤُلَا أَنْژَارْ ئِضْرْ غْ ؤُرتَان نّْكْ أَرْ يِّي سُّوسُّومْنْ

ⵓⵍⴰ ⴰⵏⵥⴰⵕ ⵉⴹⵕ ⵖ ⵓⵔⵜⴰⵏ ⵏⴽ ⴰⵔ ⵉⵢⵉ ⵙⵙⵓⵙⵓⵎⵏ

ؤُرَا كّْمْ أَتَاݣُوتْ نْكْسْ ؤُلَا رِيحْ أَ رِّيحْ أَ كّْ نْكْسْ

ⵓⵔⴰ ⴽⵎ ⴰ ⵜⴰⴳⵓⵜ ⵏⴽⵙ ⵓⵍⴰ ⵔⵉⵃ ⴰ ⵔⵔⵉⵃ ⴰⴷ ⵏⴽⵙ

غِينَّا تْرَا تَازّْلْ سْرْسْ يَاتْ ؤُرْ أَسْ نْتِّينِي وِينْوْ

ⵖⵉⵏⵏⴰ ⵜⵔⴰ ⵜⴰⵣⵣⵍ ⵙⵔⵙ ⵢⴰⵜ ⵓⵔⴰ ⵙ ⵏⵜⵜⵉⵏⵉ ⵡⵉⵏⵡ

أَمُودْ هَا تْنْ دَارِي طّْفْ أَوُولُّو رَا وْنْ تّْرْشَّاشْغْ

ⴰⵎⵓⴷ ⵀⴰ ⵜⵏ ⴷⴰⵔⵉ ⵟⵟⴼ ⴰⵡⵓⵍⵓ ⵔⴰ ⵡⵏ ⵜⵜⵔⵛⵛⴰⵛⵖ

ئِغْ ئِضْعْمْ تْمْݣْرْتْ أَشْكِيغْ نّْ أَرْ أَوْنْ سْرْوَاتْغْ

ⵉⵖ ⵉⴹⵄⵎ ⵜⵎⴳⵔⵜ ⴰⵛⴽⵉⵖ ⵏⵏ ⴰⵔ ⴰⵡⵏ ⵙⵔⵡⴰⵜⵖ

ؤُضْنْغْ لَاژْ أَدَّاغْ نْسْمُوقّْلْ وَانَّا سْرْسْ ئِمُّوتْنْ

ⵓⴹⵏⵖ ⵍⴰⵥ ⴰⴷ ⴷⴰⵖ ⵏⵙⵎⵓⵇⵇⵍ ⵡⴰⵏⵏⴰ ⵙⵔⵙ ⵉⵎⵎⵓⵜⵏ

هَانّْ أَݣْدُودْ ئِجِّينْ أَفْ سُولْ ؤُرَا تَّاسِيغْ أَرَّاتْنْ

ⵀⴰⵏⵏ ⴰⴳⴷⵓⴷ ⵉⵊⵊⵉⵏ ⴰⴼ ⵙⵓⵍ ⵓⵔⴰ ⵜⵜⴰⵙⵉⵖ ⴰⵔⵔⴰⵜⵏ

ؤُلَا نْرَا لْعْبَارْ أَشْكُو نِّيخْ نْكِّي وِينُو وِينّْكْ

ⵓⵍⴰ ⵏⵔⴰ ⵍⵄⴱⴰⵕ ⴰⵛⴽⵓ ⵏⵏⵉⵅ ⵏⴽⴽⵉ ⵡⵉⵏⵓ ⵡⵉⵏⵏⴽ

نْݣَا ݣْمَاكْ ئِݣْرْ يَانْ كَا سْ أَكّْ نْلَّا كِيغْ ئِشِييّْعْ

ⵏⴳⴰ ⴳⵯⵎⴰⴽ ⵉⴳⵔ ⵢⴰⵏ ⴽⴰ ⵙ ⴰⴽⴽⵯ ⵏⵍⵍⴰ ⴽⵉⵖ ⵉⵛⵉⵢⵢⵄ

ؤُلَا يْمُورِيݣْ نْسّْنْتْ غْ ؤُوفُوسْ نْ يَانْ ئِتّْنْقَّارْنْ

ⵓⵍⴰ ⵉⵎⵓⵔⵉⴳ ⵏⵙⵙⵏ ⵜ ⵖ ⵓⴼⵓⵙ ⵏ ⵢⴰⵏ ⵉⵜⵜⵏⵇⵇⴰⵔⵏ

ؤُلَا يْمِي لِّي جُّو غْ ؤُرْ نُوفِي لُوفَا يُوفَا سْنْتْنْ

ⵓⵍⴰ ⵉⵎⵉ ⵍⵍⵉ ⵊⵊⵓ ⵖ ⵓⵔ ⵏⵓⴼⵉ ⵍⵓⴼⴰ ⵢⵓⴼ ⴰⵙⵏ ⵜⵏ

ئِرِيغْ كْ أَ تْمْضِيتْ نّْقْرْ يِّيلُونَا كِيغْ نْشِييّْعْ

ⵉⵔⵉⵖ ⴽ ⴰ ⵜⵎⴹⵉⵜ ⵏⵏⵇⵔ ⵏ ⵉⵍⵍⵓⵏⴰ ⴽⵉⵖ ⵏⵛⵉⵢⵢⵄ

تْمْضِيمْ تِسْمْضَايْ أَشْكُو رِيغْ أَوْنْ كَا تَامِيمْتْ

ⵜⵎⴹⵉⵎ ⵜⵉⵙⵎⴹⴰⵢ ⴰⵛⴽⵓ ⵔⵉⵅ ⴰⵡⵏ ⴽⴰ ⵜⴰⵎⵉⵎⵜ

تِيسْنْتْ كِيغْ نْدْرْسْ أَرْ تْنْتْ ئِتِّيلِي وَاوَالْ نّْغْ

ⵜⵉⵙⵏⵜ ⴽⵉⵖ ⵏⴷⵔⵙ ⴰⵔ ⵜⵏⵜ ⵉⵜⵜⵉⵍⵉ ⵡⴰⵡⴰⵍ ⵏⵏⵖ

كِيغْ نْبْضَا مَادْ أَكّْ نْسْكْرْ وَخَّا كُّوسِيغْ أَسَايْسْ

ⴽⵉⵖ ⵏⴱⴹⴰ ⵎⴰⴷ ⴰⴽⴽⵯ ⵏⵙⴽⵔ ⵡⴰⵅⵅⴰ ⴽⴽⵓⵙⵉⵅ ⴰⵙⴰⵢⵙ

اسماعيل أبلق