ئمحاسن
أزمز اد كَيم أتودرت ئلكمن.
ئكَول اركيغ اخ زران ؤخسان.
ئكَا اس وودم واد ئقورن.
ؤر ئسن غ ميدن واد مقورن
ؤلا سنن يان حراد ئلولن.
يوسي تيزلا ئغلي دوساون.
ؤر ئقل س وار أفود ئفلتن.
أسوخ ئيمان نماغ اتن لكمخ.
ئغاول كَر ئكَنا د ئكالن.
اح اياوزمز ؤر ئكَي وينخ.
ؤلا نيت نيك ؤر نكَي وينس.
هاكاك اس كَيس ندر د ئحِّي نو.
ؤكان أر كَيس نكند لخاطر.
يورا انخ ؤزمزاد أرّاتن.
ؤر إكَ أمحاس إييكَماين.
ييري كَينخ أنغر نغ أك نحسا.
ؤرد يوشكي لحساب ؤلا إرا.
ئنا أنخ ؤزمز أد رواحت.
أد أك نستارا نيك ن ييتران.
ؤر أك ئسّن ئس أخ مدان لارياش.
ؤرا تواركَاخ نّيكَ ن ييتران.
ئلايي ؤكَوز ئنو غ ئكالن.
نلولاد كَيس ئرا أديي شّن.
سمحات أنخ أيازمز نسامح اك.
ؤر نكَي منيد نك أجّات أنخ.
عبدالرحمان وادالرحمة.
طاطا، صيف 2023.
دائما يتحفنا الشاعر عبدالرحمن واد الرحمة بأعدب الكلمات والقصائد، دمت متألقا