تازروت نْوَاوال
لا لاي لا لا لا داي لا لايل
ؤت أ لعاقل صيض ئيواليون
هان ئنغا تن شرع ئرخو ياون
أد ؤر فركن يازل س وافاتن
ليغ نݣ زو تاݣادا نك ئماطل
نكيس د ئ يݣضاض ئسقاقاين
لهوغ نيكي يوݣرتن أغ ئسم
ݣان ئد بابا سوݣرن كولو تن
ليغ ئسم ئژيلن ݣيغ تافوكت
را غيد نمغور نݣ أس توفاوت
بابا د يامي راد أيسن ناوس
أر ئغ ݣان مكادا ترا لوقت
ساولغ ݣر ميدن غالغ ئس نسن
ماش أر يي دي تنعاتن ئفاسن
زود ئغ ران أ يي ݣين تاقايت
نان أغ فيس ئمربي أ كن ئسوكف
ما را ون ئن ئݣ أݣون غ ئمي نك
نفرك د ئ يخف أد ئنو ئكمش
نحاسب لعيب ئݣوت فلانخ
ياووكريس ئلا غ ئخف ئقن تن
نكان خير الله ئس كا فيسخ
ليغ نݣ زو تاݣادا نك نشييخ
أر نستال أجوغر تلالايت
نساك د أماݣن دار تالونت
رژمغ د ئ نظم ئݣ ئفراراين
ياوي د ݣيس ربي داغ تاليلت
زو تاژروت لي د ئفغن ترشم
ئفل د ݣيس ؤليبيي تيرا نس
ما ݣيس يورا سيݣلغ ت ؤفيخ ت
ئسمد ياژ ئ ياغ ؤر ت ئكمل
ماش أژرو ن تمازيرت ئماطل
ئس ئروا لابود ن كرا لاحت
هيا ور أك ئعيب ئغ سيريرغ
نفل د زود ئليبيين أرا نو
مقار نيت نترݣام تاقورت
ماش ؤر د نك أ راد ئقن ئمي نس.
اسماعيل أبلق
ايوز ئي اومدياز أختار اسماعيل ؤبلق .
ئيواليون ضرسنين زود توخسين ن وازان مزيين .