آتاسمي تجليت ئبنادم غ واليم.
ئزوزض أكم ياف ؤر كنت ئمزالال.
سولا ؤكان ئسيكيل سولا سدلفون.
ؤر راداس نكارا ئفاسن دواليم.
ار ئسكار لحال ئضييض ئزري واس.
ؤر أك يوفي يات أزال إيز تيلاس.
ئك أوجواي ئشركان كولو زكرنين.
مانيغ دا تلا تاسمي ما ئكنون.
ئغ نسيمس تيط أد نيو ئوغراس.
ويد أس يونفن ؤتين ويد تن ضفرنين.
ئكوت ما ئسوان ئلموت ئكران نس.
أر ئتلوح أمود ن تكوضي دواطان.
ئسوت س لهول ئخلضن د تاوديوين.
ئغ ئزرا لهنا غ مل ؤرا تهنان.
تودرت أس مقار نزا اسغار نس.
أويخد ئس ئسورا ن لامان دلخير.
اتايري ريخ اسرم ناوي ئضرفان.
نسوتل ئزيطي نونت ئتاجنانين.
نسوكف لحسادا ايس نبي ئزوران.

نبي ئفاسن للي را يكرز لعداوات.

عبد الرحمان واد الرحمة