تاڭوري 

أسّْ لّي غد نكشم إيڭر نّونت

أ دونيت أد نلاّ غ إيلاطن

أر إيساقسا إيخف أد إيسّان

أر إيساقسا ما تيد إيقّانّْ

أڭودي ن ماخ أييد إيطّارن

د أوڭودي ن مامنك نڭامي تن

إيماغ أوفڭان أ تّند إيسَّاشك

تانّا نّْ أور يوڭّي غ أوڭنس نس،

أور أغ إيتّيلي د أوڭايو نس

أر إيغ أس يوف منيد إيسّن تن

أتّ أوكان ييسّان إيڭ أس إيسم،

يانّي نّْ كولّو تيد إيفاون

إيفرك أولا إي ختيد إيلاسن

إيفرك أولا إي ختيد إيلاسن

أر إيتالّ إي لعياض إينا يغ:

تاڭوري وْكان أيِّيد إيلّيلن

تملايّْ إيكلان ن تودرت إينو

تملايّْ إيس ليغ أتيڭ مقورن

نتّات أد يورون إيڭُمَّاين

نارا سرسن أورارن د أومّاين

نارا سرسن أوال أد إيمّيمن

نارا سرسن إيس نلاّ د إيس نسّن.

                     داود السوسي