رزمغ تيݣورا ن ؤنوال أد ييفيو

وانا يݣان ؤ شرع أر تنت ئسدوقور

ئغ نقن ئمي ئنو مايرا أد ئزعم سول

كيي أ يزنزار ؤر أكن ئين ئرݣل وول

تافوكت أ تالوبانت أ مو ودينار
نقل س واس ئݣان لجديد أغ د ئلال

زود أسغار أداغ نكس أمان ضرنين
زود أيلال أداغ نفسر تاسݣيوين

نرار د ؤدم دار لقبلت ن طزاليت

مان أسر أراد نكيس تيلي زݣرنين

غيكا د سا يي تينيمت أ تيبراتين

نروح دارنخ رميغ د أ تازليوين

أر نتحاساب أس أر كيغ ئزري سول

نكين د ؤسلم ؤلا أفتاس نمدي يام

أم نكس ئزنزارن غ تاضانݣيوين

ئل ئزد أݣموض أ نݣا زوند نتان

ليغ ن دارون ئفو لحال نݣن ئميك

هاتي سووريخ نرور د أس ئݣ وينون

نقل س واس ئݣان لجديد أر د ئلين 

ياغول د ؤرقاس نم أديدس ئليغ

ها يازݣن غ ؤزال أزݣن راد ييليس

ييليس د ؤزݣن أد أزݣن ياضن ئفاو

أر نسووري تانا سكرغ نعدل تنت

نضوف ݣيسنت أغار باب ئيݣنوان

إسماعيل أبلق