تِيرَاكْ
قصيدة شعرية أمازيغية: "تيراك" للشاعر عبد الرحمن واد الرحمة
ما مي ئرا يان اد أوين تيراك
ؤلا للجومات ئغ ؤر ئطف ئسان
ئربي كَنو تيشركَين ن تملسيت
اواللي ئساغن تالخاتمت
ربامت آتيميزار نخ مامنك
ئحول يان امودو اتن أرمن
ؤللند ميدن غ ؤجاريف تاللين
اكا ئميل ئك ؤغراس مامنك
سين ئيرن ار كراض ئكاتن رسان
ؤر ئصبر ييكيك ن صيف ياويت
ئقاند أتيويزي اسول تيليت
تانا ف ؤر نماغ ؤرا تكمال
اد أقران ئموضان ئي لممات
ئما اضبيب اكوكنت ؤرت ؤفين
رب اغكنتين رجان اتياويل
ئما بنادم كابرن ؤر حنين
نكاد يان س غيد ات نمشاراك
ؤر ئل يان ؤضاض ئناكر ؤفوس
ياك ات يان ياهو اسا نسروات
ياك ات يان اد نكا س ؤنرار نخ
لمنزل ئغ اخ ئكا وار توكين
وانا ئكان ئتازرت نفك اسنت
صحا ئكات ئمندي ئي يان مناو
أوين ويياض ئكلينن أليم
ؤريد كات ؤشرع ايان ياطون
ياك نكوسا ماغ ئلا لحاق نخ؟
عبدالرحمن وادالرحمة
لا تعليق