واركاخ ازمز ئس ؤرون ئزماز أعدلنين.
ؤر اك سول رزاكنت إيان ئس كول أضفوتنت.
واركاخ ئس أرودن وولاون للي ضلانين
إيرين ميدن وياض ئسوس ؤفكان لعداوات.
واركاخ ئس ئيلا ؤنموكار وين اعلا خير.
كولوكرات ئسوقن زنزان ؤر توت تيرزي يان
واركاخ ئس ئيكا ؤنزار أيور أرد ئطار .
نكين وامان ئجاون واكال تيسي مضاران.
واركاخ ئس لكم وامان ؤرتي نو ئكلين.
ئرار كند ربي ألقيلولت إتاركانين.
ئساول ؤزور ئنانن ئي واياون بوغلو ات.
ئغ ئتيافا اتاروم اوال أمازيغ س ئمال.
أد أقران ئمازيغن تيرا ن ويلي زرينين.
اران تيياض ئي واراو أتنت غرن ئغد إلول.
ؤر ئك غمكاد ننا موحال اتن ئواركا يان.
ؤر نكس ئي هربوب اد كن ئزم ن تيواركيوين.
اواهلي مانيد ؤر نكي غ إضس اضوخد نكرخ.
أواهلي ما نورا غ ئكيدي متاد ؤرد ريح.
اراخ غوفلا وامان نك أمحاس إي ؤكماي.
لليغ نلكم ف اتنت قراخ ؤر سول نزري يات.
أواهلي مادور نسفسي د أيلا لاي دلال.
ئك لبريح ئتاوي واضو ماد ياغ اد سلان.

عبدالرحمان وادالرحمة . 28/ 05/2024