تجا لموت ن ييكيدر ؤلا تودرت نس.
ؤر ئمون دتداليت ؤر تيد ئفيل.
مان أفا د ؤر ئكي ؤلا مان أجاريف.
ئملا ياس ريش نس غ ئكنا أغراس .
ئغ أك ئموت ؤر راد كن واد ئكوران.
ئفلد نيت أمود نسن ئكا زود نتان.
ئفلد يات تبرات ئرشم كيس ؤكماي.
س ئدامن ن تاسا ن ئركازن سوكرنين.
ويدا ؤر ئزنزين ئخف نسن س ؤدينار.
ويدا سوتلنين ئفريك ئي توزونين.
ويد ئتنعارن ف لحشوم د تمغارين.
ويدا ف ئخلو واشبار ماغن سول.
ما را ئخاصم سيعر ن وان غويد ئنيت؟
مارا تكم غ ئديس اوساتور ئغ رشان؟
هان أجكال ؤر راداخ ياسي تازايين.
ؤ لا اصغار ن تاك(و)لت ؤلا أغانيم.
اتيرزي ن تكيكيلت أتين ئغمران.
مقارتنت تجبرت تيكني تلا غوفوس.
ؤر آ ئكيدر راداون ألان ئزاك(و)ان.
ؤر أك كين منيد ؤر كين أمود نون.
لحر داتين ئتاضن لحر ئغ ئموت.
ئما ئسمك ؤر رايامز انفشاد ئي يان.

عبدالرحمان وادالرحمة.
1/08/2024. أكادير.