تين ؤوتش…
أدام نك تنالت ادرخام س ئفاسن.
اتاسا نو أد ؤر تادوممت ف ئكالن.
ئما غايد نتمنيد ئرا أكم ئمرت.
أكاس ئضفر واياض ئليح تاليلت.
لهول إسن غار تيكمي ئيموسلمن.
أر ئتيميور أيداغ ئلا س واراتن.
أح أتينك أضوراد ؤرونت ئلاطن.
أح أتينك أضوراد روينت لخاطر.
نغال ئس سول ألاز ؤرا تسوتول.
ئمل ئكرود ئس تنغيت ئموسلمن.
أح أغزة مان تاكات اكم ئكاتن.
نغد نكني اتوت تاكات ؤر اك نسن.
أح نخ نسوا تاكوضي توت تسانو.
تييتي ئغلبن تاجنوييت ئفرسن.
مامنك أون ئكيز س أوديس ئمنسي نك.
أيان ئجاونن غ ئزامارن ئفلتن.
ئلا ما أور ئشين أكورن ئكا اسن.
إمال أس ايليغ أتنييريفن .
مان اكو راياف ووزوم نخ تيووتش.
أد ؤكان سول ؤر نازوم أييواليون.
يوف اكا تنيم ؤهوي إشموتيت.
ساوالايت ؤكان اد ؤر ئتكرف ئلس.
لحق ئشوا كيون ئغاتن تساوالم.
ئما لافعال ؤر ندرك اتن نكمل.
ئرا واشبار ئفادن دتاسا قورن.
تيريت أ سيعر ويدا راكن ئخاصم.

عبدالرحمن وادالرحمة
 طاطا 28/03/2024.