تيوريقين

بِّي تيوريقين..أها تومليلين
دْرْفات س ئميكّ!
زر ماف تيويت

أكَي تيميورين
غ لعاقل
ئمّا غ ؤضرف ئرخا نيت ؤضرف ن تميريت
هايّي غ واسيف نبّيتينِّ س ئميكّ

كَان أيلال ئغ رزان أيلالال

كَات أيلال أكّيد ؤر ئحصر يات…رزم تيفراوين!

جْوّْل سّْتارا تاكَوت لْكْم أيّور
غْرْ تالّت ئمي، ماداك ئكّسن ميت!

زُّو تافسوت نك
زمّيم تارات ئكَّي ن ئسليان
هايّي نكرغ نسيكَل س ئخف ئنو… غ ؤكَنس ن توْلكين
كَات لمري غ منيد ن والّن أون ياز ئنّا تسالام
غاسّ أتّْن ئران
زيكّْ أتّن ئران
د ئمال ن ئمال
دوي أيغر ورّاض ئسِّيسفيو اك

هايّي غريغاك ئزيل ئسم نّون
دا كا نسلحيل أدّيون نساوال
جُّوكرّغ لقلم ئكَان ؤمليل نسمد ئ تيوريقين أد نغ ؤمليل، ئِوا زْرْ مايك ؤريغ!

زْرْ مايك ؤريغ

اسماعيل أبلق