ماس سول كيم اتودرت نقل ئكون
مان ئتغامان ئغ إموت لامان
ماخ ارباعيا اد ئقور وول نم
ميت د ؤتبير اتنغيت ؤر توحلت
ئرورام س واكنس ن لحروم
ئغال نيت ئس نجمن ئرصاص نم
واياهو غمكاد ؤرا تحنوت
ماخ أتبير ئستاهلا ات توتمت
ويللي ئحاضرن ئزولان سلمن
ركلن تيمزكيد نسن ملافان
مقار كان ئناكان ؤر ساولن
مان ئقلن غ ميدن يا ئساولن
مان ئزران ئكيكيل ئسمامين
مان ئزران أماضون أن يالان
أمانزا آ لقاضي لاحكام نك
ئيويختند تكا أزال ؤر تنتيل
وانا ف توريت أزاين فرونيت
وانا ؤر ئكين أغاراس تينيت
مقار نيت ك ياد نسرمي رميخ
ؤر نزري يات آجو تنت تفوكوت
ماني س را نصروض ئي يان يوكرن.؟
ما رايخ ئك ئفرك ئي تورتاتين؟
يان ئنغا لاز اداس نسكر ميت
ماداسن ئكيسن غوفوس تيرمت
ماد ئخلان ئغربان نو نوال نس
غيلي كوسن ماداسنت يوكرن
نساقساك نقل داخ اتساولت
ربي زر آ لقاضي مان توفيت