رواح أد نمون

رواح أد نمون

ڔژيغ أسكرف ڔژيت أ نّْمّودّو نايّْل

أ زودّ إيخف إينو را نّارم توڭّاس نك

أدّْ نسُّوتل إي دّونيت، نكّا سندّْ أفاتن

أمدّاكل أرَّام أوكان  أكّ إيدْ إيمّالن

إينّا غ إيڔمي وافود، إينّا غ نضڔ نافك

إينّا غ إيڔمي وافود نُّون ڔضلغ أكت

ڔژات أسكرف، رواح أ نمودُّو نايّْل

إيكاباڔن، أور جّو ڭيدن واد نسّوسم

وانَّا يّي إيژڔان نكّي ديك إينّا بنّاقص

أور نڭي غ غْوِيد ملانين، أ نَّادّ إي يِخف

إينا ي أوژڔو: غيكّاد إيقُّوڔ أوڭايّو نك

ڔژات أسكرف، رواح أ نّمّودّو نايّل

إلُولُّوين أُور يّي ڭين أولا ڭان أون

إلولّوين إي يْسواك، إيمّا أمودّو ريغت

رواح أ نمون أد نسّوتل ف أُوضاڔ إينو

نسَّانون تن ف توادا تين إيجاڔيفن

نسّانون دْ إيمان إينو ف أوژّيضڔ نامّْر

رواح أ نمون أماضال إيرا أد أغ إيسّن

رواح أ نمون أماضال نرا أ ڭِّيس نسّن.

                       داود السوسي