سرم أرم

أجّْ ؤُكان تين غواد ئسّوسن

أنّيخ لّْغا لّاس ئگا قّورن

ئگّامي ؤگرض أتّيد ئسّاشك

أ مامنك راتّنگادّا تّييْت؟

مربّا أييگزول غييض ئكمّل

أد نفاتّسن ميدّن غ وسايس

ئمّا دّرست ن ضّوراد روينت

ئوالات ؤزلماض ئرييّْس

أر ئترقّاس ئهمز ئسييّس

ئراتنت كولّو غ ؤگايّو نس

وايّاض ئبّي گيس أدوكو نّس

ئگّوضرد ؤجلابي نّس

ؤر ئونّس ؤر ئلّي د لخاطر

ؤر طّاسن ئويز ئگا وينّس

أفلا ن واوال ئهنّا لحال

ئهنو زمان ؤر أدّا نوحل

نسن تيرزي ماني غ لانت

أجبّار كا ؤرتا جّو سِّينخ

والّي مي ئمرز كرا جِّين ئتّْوْ

ربي سّانف ئگنزي غ لكرّْت

أ كيين تنت ؤر ئعاقيلن

أغاراس ن ئمال ئغ لّاسن

نضاضانا روان گين أسفيو

أ سرم أرم أدييد ئقّانّ

ئني ريغ تيشّاف أد رصونت.

                                               ذ.عبد الرحمان واد الرحمة