طروادا نان أييس أيگان سيبا نس.
گان أكشوض ئحبو غوحليگ نسن زالت.
ؤرت ئسلكم گر تگوما بلا ايت تمازيرت.
ئك سرسن تاواتلا أتزرت تاكرزاوت.
غمكان ؤكان أديس نگا تجرا كينخ.
نومز ارباع أيكرز ؤرتي ئزنزاتن.
أرد ئتنقار لعدو نرزماسن تاگورت.
ئكشمد نسو اسن تيگضيفين ئزيلن.
ئس كا ئكلا روحن سيغ گان غ توجا نخ.
ئك ئمال أس نك غمكاد ن ئنگبي دارس.
طروادا تاليتين ئكان منعانت.
ؤرتنت ؤكان إخلي أبلا ئدباب نس.
لخلا ئكايامد أگنس أتگاديرت.
مايگا نرگلد ئكفر دوسخ ئوغراب نم.
ئگول كرا گينخ أر ئغاخ ززمزيين.
ئگول بلا كيسن ئفرگان ئتوزونت.
أصغار ؤر أس ئسوگر بلا تاگلزيمت.
ؤر رات سون ؤر رات أجن أيفك لغلت.
أيدا نوگي كا أدران أر سرس تازالن.
أيدا ريخ أگينت ؤر رايي گيس ئعاون.
مان أزور ئكوسا ماد ئشرك ئدامن.
اوالله مك نسين ماني غتيد تيوي ضارت.
إغرا يات تالوحت ؤر ؤرين طلبانخ.
ؤلا تكاد أگنس ن تيمزگيدا نخ.
ئقد ئي لبريح ئك أضاض غ ؤمزوغ نسن.
ئغرا إييخف نس ئسدمر مدن ؤر ئسن دولن.

عبدالرحمان وادالرحمة 07/05/2024.
طاطا.