أغبالو ن كَار

أغبالو ن ڭار

ماد دّاغ تانّيت أ تيطّ إينو، ما تّژڔامت؟

إيلّيغ أر كا تالاّمت إيمطّاون إيژّْمژييْن

إينيدّْ أفڭان أمي داغ تالاّت غار زريتن

غيكلّي إيڭا راتّ إيڭ أرد أكين س إيسمضالن

أ سّول أور تالاّت أ تيطّ إينو ف أومدّاكل

أولا تاڭماتّ أولا يان د نمون س إيكاباڔن

أور رِّيغ ألّن يالاّن، أور رّيغ ألن إيسودّومن

نلوح إيژڔي، نانّي ڭار غار أر كا تّمغوڔن

كولو تيغبولا د إيڭرْن نتّان أس نڭينت

ڭانْنّْ مدّن شالا س أورواسّ، أر كا تّازّالن

كو يان أر إيسيڭِّيل أ يَّاڭر أنڭُّو نّس

إيغ أس أور يوفي، كّين أس مانيك تن ژّمژييْن

أد أوكان فلاّس إيكّْ، إيمّاغ أر تن تّْرڭامن

ماكّْ أ يافڭان إيتّاوين س إيلّي غا تّْمژييْت

ماد أك إيسّغين أژاژو، سّْغين أك تاڭڔژاوت

وا يوف أمت أوكان أ تازّويت أنّ نْ تادارت

تاغنّانت أور جّو كَيم تلّي، أور كم حادانت

وا يوف أمت أوكان أ تازّويت أنّْ ن تاڭانت

وا يوف أكت أ يُوداد، إيرغود أون أ يْتبيرن

أور جّو ژڔيغ أوداد إيسّيِيڭيسن أيت دّارس

أور يوت أوڭضيض ڭماس، أور إيسُّوس أسدِّي نّْس.

                                                                                   داود السوسي.