أهَاوْد
راد أس داغ إنيغ إكرا اهاود نراك
ا توتلايت دا سنغ تين إزري نون
واخا تكا تاد أغ إسمرزيگن ؤسان
إگ ؤزمول نسنت أقبور إگ مناو
مقار نلقي كولو توگا ؤژاغار
ؤلا تين إفُّوس ؤرتا جي مضاراغ
راد أس داغ إنيغ إكرا اهاود رميغ
أژِّيضر ؤر لين إخف أر إتهميم
أيابريد ن گر والن إغ إك مناو
ؤر رايصاحا يول أبلا تاوديوين
راد اس داغ إنيغ إكرا أهاود نموت
أر إزراگ الروح إمشاوار د ؤل نغ
ؤر إرضي س إلي غ إزداغ ات بران
واخا إگا تالَّالين تيلي گنانين
إلا كرا ن إفيلي ؤر اك إزري يان
أگيسن إتمژيگيرن أر إصدوقور
أر أغ كا إزويز ناسي الهم نس
راد أس داغ إنيغ إكرا اهاود رواح
أد نك دار إگيدر غ وس سا إگنوان
أد اسن اويغ امارگ ن تيتبيرين
نساقسات غ تيد أغ كولو برينين
إس إمل اد جيغ نستو لاهموم نغ
ؤلا تيگوضيو إغ نوفا ان گاورغ
أك نفل اياكال نفل اك افگان نك
أد اس گوغ إوايور غار ارجال نس
نغ اس گيغ اخماس ماش إيگنوان
أد ؤر داغ إرين ايس نگابل اكال
نغ انسمكيل إييتران إرضو وول
ؤراد سار نرار ؤدم إنو س دارون
إيافگان ؤلا ما إلولن غ واكال
بلعيد ايت حساين
سيروا 20/06/2026
لا تعليق