تاماگيت
تانا ك نملا كا راد أ لعاقل يي تينيت
زو تيسيت كيغ نبيد ئسموقل نيك نكين
نكين أيݣان سباب ؤر ت أك ئميل نسين
غيلاد نسن أ تماݣيت ماسا يي تينيت
نك نعاقل ئليغ مزييغ أ لمري س ئميك
كولو جرت ن ويياض أف ك نسن ما كن ريخ
نيسان لعيوب ئنو ݣان كولو سرغ لخوف
نيسان أنفر كيغ لدين وايا ما تينين
ئس أغ أ صبر كا تاجات يان ئفيس نفيس
ئما تاضصا تنوا دا تلوحنت تاقايين
نضوف ئخف ئنو طوزومت ن تيط ن كيوان
نماغ لحيال ؤر ئݣوم يان ؤر ئري يان
ملاد ئزد ريش أداخ يوسين أت ئنيخ
نضوف ئسغال نتوݣر تن أر نتحيشيم
“نكي” ياوزازو لي جو ور ؤسيخ أت نسرس
أد أغ ئكسن تاوادا ولا تانا سالاخ
تاسوت أيد ؤر نباديل يات ؤر نفل يات
ما نرواس بابا بابا رواسنت أك مناو
نكين أيغ ؤكان لهون ماتن ريخ نكين
ؤلا تيميورين ؤݣين سار أتنت نسرس
لقمغ أيس أر نفرد أركا نسلوم أوال
أسرسن ستوغ ئ لاز ئس يي حرمن تيرام
أح أواهلي تيرا دا غريح نسرخو تنت
نكي ياد غينا ئݣوت كا غ ئتنفيتيس
ئني د ؤشكيخ ئغ نݣاور أر نتمسيكين
نكي ماد ݣيغ نكي ݣيغ سرسن تاغويي
اسماعيل أبلق
لا تعليق