تسّوفغد ترابّوت ن لبوشارت يات تالغات تاماينوت لّي ئكَان س واسّاغ “لالاّ ئجّا”، ئمّيكَيرد ؤفوغ نس د ؤسّان ن تفوكَلا س واس أمزوارو غ ؤسكَاس أمازيغ ئكَ لفرح سين نغدّ أكّ مناو.
ؤكان غمك لّي نميار دار ترابّوت أد، تالغات تيويد كرا ن ئواليون زيلنين فلوجّانين، تاويد ؤلا أنيا نغدّْ لّغا ياضفوتن.
تالغات ن لالا ئجّا تكَا يات تالغات ئ توتمت تامازيغت ؤلت تمازيرت، يات تالغات ئسقّسان ئد لالا ئجّا ئس سول تلا تنميلات ؤلا تيويزي، ئس سول تلّا تامونت د ؤفولكي، ئس سول ئلا لحنّا دوادّال د ؤحايك د كرا ئكَان تيميتار ن ؤفولكي؟؟؟
ئسقسيتن لّي غ ؤراتسيكَيل لبوشارت س تمراروت نغدّ لويجاب.
لالا ئجّا تورارت ئ توتمت تامازيغت، أراسد تسّكتاي ماسدّ مقاراسد ئكنا واضو تيفراوين، أتيكَ نس تلات ؤكان أشكو تكَا ئليس ن ؤمزروي أكَلدان د ؤراس ئليق أمر ؤرغ د نّقرت د كرا ئزيلن.
تانميرت ئترابّوت ف تالغات أد ئفولكين ئتبرّاحن س تايري د ؤفولكي.