ئژنژارن (أفشاد)
أر ؤكان سول تناقاص تافوكت ئژنژارنت
لسا د ؤمليل ئميل ئرکو ياس غ ئمودوتن
ؤر أد أيس ئتو يان أجميل ؤوزال ئژيلن
غاسا غ ن توكي غ ئل أيس ئسيرد ئبردي نس
أضان أر داغ ربان أر د أرون تاصبحييت
نكي غ ؤفتاس نقابل ن تاݣونت ئس ضعانت
ئدا ييل يوري د لحال ݣان أغ تازدوييت
نتوفال د ئ ݣار لمنزل أويخ تاونݣيمت
دا تاس ئيݣنوان ألن س تمقا ضر ينژارن
أوين أغ د ئمطاون س واكال تاݣرزاوت
ئضر د ؤفراو أداݣ أيلوح ؤزوو يازو تن
لخاطر نغ أغ ئلا غاساد ئفض ئيمجيوش
تاسوتلت ن ؤسݣاس أغ تملامت أ تاݣرست
نفاغ أفتاس نفل ت أر يالا نݣين ئدامن
ماناݣو يرا د أ تافوكت أغولن ئژنژارن
ؤلا تافسوت أ تنكرت غ واكال ن ئمحضارن
أݣيس ئتسوݣور لخلق ݣين ئزم ئيزمازن.
إسماعيل أبلق
أگادير 3 ماي 2024
أيوز إ ؤمدياز، ايوز نّون ف تووري ياد باهرا إزلين..