ريخ أسرج د ؤمهماز أ نارم.
تناكا ن واييس أد نسوتل.
ئي دارنخ ماني تيد ئرورن.
أنيسان تيغولا دا كوسخ.
ئدا مي سكرن لجدود أراتن.
ؤصاناخ ف ات نكرز نسوتن.
رب الاطلاس آينيكي ساول.
أياك لخيار ن توكا د تينك.
ماكيك إسووتان ئجاريفن.
ماكيك إبنان لعزيب إتاوروت.
اولا دا ئكيدار اد أتوينين.
لبنيا ن ميت اياد ئناخت.
إما تارشومين أد ن ييسلان.
تمتارت ن ميت اد ؤسينت.
دا تمدو تسيلا تمدو تاسورت.
مدون ئرامان مدون إييسان.
رشمن ئوكابار ئغاراسن.
أنيت ئسن مانيغ ئتاكل.
ئفل تابرات ئماد ئروحن.
ئسرس أمنير أتند ئواتس.
إناغ إفل أغرمي كين أينيو.
وانا ياد غ ئلا لاز أكينت.
أغيد أيكان ؤكوز ن تايري.
ئلولاد كيسن سعر خلفن.
ئسان ئسكن يورو بن تاشفين.
أوالي ؤر ئسن أزور نسن.

عبدالرحمان وادالرحمة .
17/ 05/2024. طاطا.