أل أ تاسكالا* س ئݣي كرا يرمين أكال

غين أغ لمري نّْ ئساݣان تاما ن ؤمانار
ئما نيك هايي غيد أك نارا س ؤمرسال
أر أغ ئصفوض لمنزل كرا نورا ياسي ت
ئغ ئبرم ؤنزوي* دا يسيليف ئ واكال
نديليفغ نكي تنديلفمت أ تورارين
أر نتالس أر نتاد ئسكر لاطر لاطرت
غيكاد أيݣنزي نو د ئلّْم ئلم تاساسين
ئما داكتيلو* توݣا نس ؤرا تنت أكان
ئݣا يي د وار أضاض أر نيت نتنسيليم
ندرم ئوريقن غ ئݣي رووسن تيسرفين
زود أكال كيغ نقاز ئفران س توراوين
تاژوغي نك أ لكتاب نغ تينون أ ياكال
زو تيوا رژمنين رژمغ طييا ما س أقرغ
يان أغ ئفك ئ واياض أر كا سول نشوشوف
أليغ نݣرا س ئسمضال سول ؤكان نسول
نيلي غ ئمجيوش زود أكشار أر نتافوف
كولو لاخبار لي غ نسفال ؤر نمالان
ؤلا تيوريقين ؤزلنت ؤرا ترصاونت
تاد ئكيسن ؤلا تاد ئمناصان أ تاكوف
كولو تاسنيوين* ؤضرنت ؤلا تاسوتين
ئماغ ئژري يستي د تميوا نو تاسيت*
ئماغ ؤدم ئݣا نيݣا* يس ؤرا يي تامنم
لسيغ أيس نݣاب ئسم يي ماف ئمال
أر نقاز ماس نسيݣيل تاسوت ن تاسوت
مان أݣا يران أد لدين ويلي ماطلنين
أديسن طژيغ نبربر مسيغ* أر نساوال
أيان ئحبان غ ترداست ن واكال ئموت
أݣيك نسكر غاساد لساس ن تاياويل
أرا ما نشرك د عاد* أت ناطو س لميرات
ؤلا مان تاݣات أد أغ يوتن س ئمرقان
نݣا تيد س ئدقي ݣيغ ت أر أغ ئسمكيل
ئس أت أجغ أد ئطرژا يس أت ؤكان أسيغ؟!
ئݣا تيفريرت ن ؤدم سليلغت ؤر ئليل
ئݣ ؤزمز تيسيت*ئژيلن أر ييت ئمال
أكال ئربا يي نربو ت يورو يي نارو ت
أس مقارد أمتشو داتن ؤر ئلين ئحرم
ئني د ؤصكاي ؤلاه أمكيني را ت ئنيخ
وا ماش نژرا ك أ سيدي مكلي سا تاكات
ؤلا تاݣمرت لي دنكس نحلو ياون ت
غاياد ئجران أف ئدوي يايسكرن لموت
تاݣوني لموت أياد أ كرا ما س نساوال
لهوغ نك لا لا لا داي ساو ئس ؤر نموت

إسماعيل أبلق