تاورغي ن تافوكت

أتازويت تملافات ماني تغاولت.
ؤفوغ هان ؤر اس أك يادا ئك لحال.
أمايكا أجديك ؤمليل ئغرا ام.
امايكا ئلا كيم لاز ئنغاكنت.
لمنزل أر سيويدن لا ئجاوان.
تاسلت اد ئمون لهنا كرد كيسنت.
ؤضاند ئمولا غودرار ئزري واس.
ئغي ضييض اخرس ار تيد ئسدوقور.
تيط ئنو اد زدرخ ئركل نادر ئي ريش.
ان ؤر تمالمت ئيفادن جروفات.
أنيخ تيط نتافوكت ئيورغ اسنت.
ؤزانز تغما سرس كولو ئكنوان..
ئميل امطا أوراغ ايك لحال.
كيسنت تاكوضي ن مدن للي برينين.
ئرزمد واكال ئمي نس ئفرد كيسنت.
ئميك س ئميك اليغ لاح ؤدم نسنت.
انيخ أكايونو ئخلض ؤكلاس نس.
اتين كن ويد ملولنين أيضالان.
ئزاد ئنكبي غ إخف ئنو ئكلين.
غار نسبركت ئنايخ اداك غاماخ.
تافوكت أتينيك هايي مديخام.
أر ئغدي توريت ئغ سول ئد توفيت.
ادام نالس تاواركيت ئغ زيلنت
نساقساكم مان لخبار اد تيويت.

عبدالرحمان وادالرحمة . 02/07/2024