لُوحْلْْتْ
ؤحلغ أ ور أحلغ أد أنغ ئتيني كيوان
أسافار دا س ئتيݣوت واطان أر لموت
نشا ت ئزد ئمشاظن ن واوال أ ت ئلان
ئغ نموت را داغ لهون فيسات ؤر ئموت
أر نتالغ أعكاز نسكر تن كولو سول
ييلي ماد يوسين ئزيكر ئلا نيت أمان
ئݣ ئ تيكني سيباب ئكنو سول أر أكال
ؤلا توتلايت لاباس كا سا ترخاونت
أر ئتولميد غ طمژييت ئسن تن كيوان
ضوفات ئژري لي س نضوف ماني غا ن ئطار
ضوفات ؤدم ئنو يوݣل س توراق رشانين
يورا ݣيس بو لحساب ن تحانوت لكناش
يارا ݣيسن ؤسقسي د نقاطي ما تينين
نارا ݣيس س ؤخباج ئنرا يي سيف أوال
نݣا توسدات أزمز ئرخا نيت أغ ئلوح
أݣودي ن زود نك أغا سمونان ئمالاس
نݣ أزايكو زود أزايکو ما ت ئسالان
ئݣا ماخ لابود ئݣ أشكو شك ئ لوحلت
أ يان ؤݣدود لي جو تن أك ؤر ئتينين
نݣا غ أيت ئموريݣ ئس تن كولو نرواس
ئرزف أغ د لهم ئݣاور ؤريخ أس أكال
نوحل ناحل ئس ئرا داغ ناحل ناحل سول
ماف ؤحلغ باهر باهر كرا ك ؤر ئتاحل
اسماعيل أبلق
لا تعليق