لامانت
اسلال لي سايك نقاول اياماضون
أيي تعضرت لقول ؤر ݣيس نبيد
واليس نيخ ايݣ ئي تيزوا أݣليد
أيگابل تدارت أݣيسنت ئݣرد
إݣراد ئس ئݣا أسمون ئي باكنزيز
ئتو كولو تامنت ئتو أمشاض
لعين للي سا يون تنيخ ئزديگ
ؤر نسن مانيد سرس ئكا ييريز
رجا ئرمي ݣيسن إفوغتيد لغرض
ؤر سول ئگي ماسكن تاويخ أفاد
لمزييت ترا سيعر ئرينت أبداد
رجلت ؤر ات ئتاوي بلا ييد بابنس
ياند ؤر ئقان أشبار أݣيس ئبيد
يانف ئت ؤكان ئفل ئديس ئي ويياض
ؤر راك أيامارݣ نسرخاس نفل ݣيك
ؤر ليخ أتيݣ ئغاك نكيس اتيݣ
لامانت ويلي زرينين فلني كند
ؤر راكنت ؤضرخ ؤر راكنت نزنز
والي تين ئكان لعنبر أيزنزا
ئگرا سرم أتيسكرت لعجوب أياد
ان سرون ݣيخ أكرا د ؤدم ن ئلاهي
ئزد واللي نيت أتݣيت ؤرك ئبادل ربي
ؤرد ئرورا ياند ئخلون لبرج
أيك ئݣ ربي لاعوان ئخطا صاواب
ؤرتا نيخ ؤݣرخك ؤر أرك نسلماد
ؤر را نكس لخير غ يايݣان أمود نس.
عبدالرحمن وادالرحمة. فاتح مارس 2025
لا تعليق