“طّوريات” يات تامديازت ن ع. واد الرحمة

أر نسوخيور ئي لاز أرنسّتاي

لغرض ئنو ئرا تاد ئميمن

أوّْرن لّْهاوا أتّند ئساك يان

ألّون ئيفيف ئبضو د ئلامن

أغار ئش كيّي تاكَلّا نك

نكين ؤر كّي ما يّاغ ؤنوسم

ئغ ؤر ئكَ تاسا ن ئزامّارن 

ؤالله ؤرد نسّيريد ئفاسن

أجّات لعشور أباب ن تافّْوين

ؤر نكَي منيد ن صّاداقا نك

ئلا نيت غ مدن ماغ ؤكينت

ئما نيك داري شّيض ؤر نِلكيم

تاكَوكَمنّ ماش ؤالله أييتران

ئغ ؤيّلخ ؤر أوند نتيّلي

 ئكَايي رجانو واد مقورن

ؤر أخ ئسن أمر تيد مقورنين

ؤر ؤسين تيغيت ئغ ئواتس

أطّوريات أيوندّ ئسّوتل

ئكَنا للهوا خكاد أتوين

أوال ن لهاوا خكاد ئسوسم

تاكَانين ن ئموريكَ لّاسنين

أهربوب ؤر راكّندّ ئخاطر

أر ئتيكساض أنّ ئضر ف ئخف 

أر ئتيكساض ئزم د ئفييْس

أوال ن لهوا أيس ئكَان أسفيو

مش ئحرم كَيس أتند ئساشك.

عبدالرحمان وادالرحمة .

طاطا.   2025/11/16