ئيفيلو ن شّْمْع
ملي ماتريت ءا شمع ئفيلو
كيي اس ئغران ئسادمر اون
أوين اكد أسافو د ئلاطن
اوين اكد ئي وول ئبراين
ئغ ؤر ئك يان منيد نك انف أس
توكَر تيرزي صاحا د ئتاوي
اجاخ اضييض ئويز رميخت
تاكوضي ؤر نكي ماغ نسانت
تاكوات ئزدم وياض ئكرستنت
ؤر راتنت ناسي ف ئغير ئنو
ؤر ريخ اد عاقلخ مدن طاسن
نضوف ئتران ار ئغ ئفو لحال
ؤر ريخ انك ئي تاشمعيت أسمون
ار مدوخ ف ؤبوكاض اييسفيو
ؤر اك اضييض نسوكير اميا
اسيف نك ؤر اس ئك ؤشوشف
أمودو ن تيلاس ئكا وينخ
أزال ؤرتا رين اد ئتاكمور
ئكابارن ؤفان ئغارسن
اماغايت اد نسيكل لاطر
ئنا واتسن وياض لكمخت
ؤر نكي بنادم غ ئهنا لحال
اداخ ئسن ؤزمزاد نسنتن
اد ؤر نفل ئي يان ئيديس ئنو
عبدالرحمان وادالرحمة
13/01/2026
لا تعليق