أرفّاك
إنايانخ ؤرفاك أسي لعوين
أمودو نرات نكي ديك زيك صباح
نمان ئدس ئخار افا ن يان ئغير
ئنا كاور انسنفو نكاور ديس
نجمعا ؤكان س كولو ئكا لخبار
ايصحان ارفاك ئخالض نيت
ئسن كولو تغمرين ن ؤمزروي
ؤرن أك ئفل ماد اخد ؤر بدرن
نسنفا نغي أغاراس سلكدام
ؤكان نمدرز اري ياكا لخبار
ئميك ئنا تمنيد ايت ان تزرم
ئس أك ئملا ئزري نون مان زريخ
ئغربان ياتوين د ئبركماو
د ئكيدار ف لا واضافن ئشدان
د إكابارن ن ييسان ار كا زكرن..
د ئرامان يوسين امود ن تغرار
نلوحن تيط س توكوكت ؤر زريخ
امر تيكوديين ن كرا ئيزران
د ئكركار ف أيتاكوت ؤكضرور..
ارفاك زونت يوسي كرا نكاميت
نافن أجبير ئفل كيس يات تبرات
ئتياران غ ئلم ن ؤزنكض امزيان
ؤر سنخ ما تنا واخات غريخ
نرور ات سول س واكنس ؤ وجيير
تلكمييد يات تغلاغالت ئمزكان
تنايي سفلد اد اك نفرو لخبار
غيد ئميل استين ئكان زهرن
ماد ؤر ئزرين غ تمدولت ؤوفكان
ماد ؤر ئنزين غ تمدولت ؤوجواي
ميت دو حايك ملولن ميت د ئسدلان
اح اميت د ئمندي اكيس ئنزان
ؤلا تيسبيكين ن وورغ ن السودان
ييلي سول كادا ن ماداون ؤر بدرخ
دا سفليدخ ايليغ ؤر سول صبرخ
ار ألاخ أر ألان ئزران دواكال
ؤلا تابرات ن واكنس ؤوجبير
ئماطلن ؤرفاك ؤرتا يخد ؤرين
ار نتيكساض سلاغ نك اد جلوخ
عبدالرحمان وادالرحمة .
اكادير 14/03/2026.
لا تعليق