ئگا لمنزل واياض رغاند ؤسان 

كولو ئضيد داخ لغوف ويللي حضانين

كولو رزمند داخ ئگرار ئي تهرتين

تالي ؤر ئگين ئي مان كا ان ئتغامان

كولو كسانت فردنت راد ئضناينت

ئفولكي سعد نك اباب ؤوجنوي

ئغ ئجي بو ييد ئعلف ئگ وينون

ئغ ؤرونت تاتن لخلف ئگ وينون

ئما والي تنت ئكسان ئگلي تنت

ؤر أسن ئصاحا أبلا تازليوين

ئكيس ؤغنبور أنخ ئكند ئميل

ؤفيخ تيمولا ن وودم نك نغرا تنت

يان ئراد ئرار ئضگام ن تداليت

 

ؤر أسن أك نكيس أت گين ئتزاليت

ئغ ئكلا باداز ئنس ؤر ئگ تيرمت

وانا رات ئش ؤر رات ديس ئدرو يان 

تازمزييت تمزيي دا زيمزيينت

ؤر ئيللي ما جو يولغن تورديلين

ئغ ئگ مولانا ئي يان أتيگ ييسان

ئغ ؤر ئشووير ئس راتن سدولون

ئما لعز ئغ ئماطل ؤرا تبالان

تيد ئعدلن اد ؤكان سول أعدلنين

ئلا كرا ئتيارا غ ويس سا ئگنوان

يان ئمزالالن راتن ئغر غ واكال

 لحيلت ئي تييوگا أ ؤر رزنت تگرسيو

ئغ ؤر تانون ؤرا تاوي ئضرفان

لحيلت ئي وامود اتن ؤر ئجلو يان

ئناغ راد ؤر مغينت ات ئنضر يان

 

لحيلت ئي وارا شوورات ئي ؤگماي

اسي لهم ن مارا ئغر تابرات نك.

عبدالرحمان وادالرحمة

5/6/2026  طاطا.