طرمي تاغلاغالت أجاريف ياتوين

طرمي درست أد ئيزاگن قنت ئماون

ؤرا دي ترارنت ميت د ؤرارن ئميمن

أ كا سنخ مانيك سا ديسنت ساوالغ

ئما ما ئران أسفلد ييسموموين

نكي لاطلاس أغ نوگل لامرييا نو

وا تيسنت لابود ن ؤدم نا كم ئطافن

أ وانا ؤر ئگين غ ئجماعن ئقررس

ناوي د رواح ئنو ئگ لحال تيووتش

ئغم داغ وازار غ ئگنا لحنا نس

ئدا سول غييض س ؤزال أ ت يوت ئش ت

أيور أمژات لقناديل ن تمايورت

أ نيسان مان أبريد أ كا تخوطورغ

ياگوگ لعزيب ن تونگيمين سا ييرن

شنت تيمرژگليت فردنت أك روفانت

ملاد ئس د ؤسيخ تاگات ن تماسايت

را نيت نكشم د لمواضيع أيسن نالس

نصلح ئ زواوي ئغربان أ ؤر أسوسن

نسرغ أيسن لاوضا غوس ئموسلمن

نبي تاسكيوين ف مدن لي تخيصينت

سندوديغ يان ئتنودومن س توفاوت 

غينا غ ؤدليس ئفل أد ؤرين ييسان ت

نمون ندعو داغ ف ؤعمار س نييت

نوفا لاخبار ن تميزار أ ؤر أطونت 

أولايني تاودا گوتنت فلانخ

حاداغ أدرار ئنظم گيس ئخف ئ ئخف

نكين أجماك ئغ ت نبرغ أر ت نتيني

ئغ ئجي ؤگرام يوضن را تن ئسلكم.

 

ذ. اسماعيل أبلق